Numquid moror? Euge, euge, exornatu's exornatus es basilice; tiara ornatum lepida condecorat schema. tum hanc hospitam autem crepidula ut graphice decet. sed satin estis meditati? Tragici et comici numquam aeque sunt meditati. Lepide hercle adiuvas. age, illúc abscede procul e conspectu et tace. ubi cum lenone me videbis conloqui id erit adeundi tempus. nunc agite ite vos.