Edepol dedisti, virgo, operam adlaudabilem, probam et sapientem et sobriam. Si quid bonis boni fit, esse id et grave et gratum solet. Audin tu, Persa? ubi argentum ab hoc acceperis, simulato, quasi eas prorsum in navem. Ne doce. Per angiportum rursum te ad me recipito illac per hortum. Quod futurum est praedicas. At ne cum argento protinam permittas domum, moneo, te. Quod te dignumst, me dignum esse vis? Tace, párce voci: praeda progreditur foras.